Kick Boxing Tayo
Masarap ang bago kong trip sa buhay ang Kick boxing. Ano kamo? Kickboxing? oo mga tsong at tsang, ako ay na-enganyo sa kickboxing. Nagkaroon kasi ng fitness class yung gym namin sa podium deck. May aikido, boxing, pilates, tae-bo, aerobics, etc. Pero isa lang ang nakakuha ng attention ko. Kickboxing!
Ano bang kailangan para makapaglaro ng sport na ito? Actually simple lang, kailangan mo ng saplot sa katawan (pangit naman siguro kung maglalaro ka ng naka-hubad), disiplina, at syempre sparring partner. Ang nagustuhan ko sa kanya, combination siya ng suntok, sipa, at balibag (aba hadoken na lang, street fighter na). Plus hindi lang siya bara-barang sport, may disiplina dapat mula sa galaw hanggang sa stance mo.
Medyo late nga lang ang class. 8:00 pag tuesdays at 8:30 pag Thursdays naman. Naisip ko na rin mag-enroll sa gym, para kung maghintay man nag-threadmill na ko or buhat na lang. Excited na ko for my first class! Oo nga pala, bumili na rin ako ng boxing glove (sabi ko sa inyo eh karirin ko ito).
Teka bakit ko nga pala pinili ito? Feeling ko kasi mas mainam ito kesa boxing kasi pati paa mo gagamitin mo sa laban. At mas madami pang technique dito kesa sa boxing.
Pero ang gusto ko dito, masarap siyang stress reliever. Isipin mo lang lahat ng ka-badtripan mo tuwing lalaro ka nito, at sulit na sulit ka na. Tipong kulang na lang magsuper-saiyan ka pag sususntok ka.
Tagaktak na naman ang pawis ko nito. Panoorin ko nga ang Ong-bak at baka may matutunan akong trick.
Another thing, from what I’ve heard, halos puro girls ang kasama ko dito. Paano kaya ako susuntok ng girl? ehehehhehe
Sana Tuesday na!!!! Gusto ko ng sumuntok!!!
