Instant Pansit
Ibang klase talaga ang saya na dulot sa kin ng instant noodles. Madaling lutuin, masarap at higit sa lahat malakas makabusog. Isipin mo nga naman na sa ilang noodles at sabaw eh pawi na ang gutom mo. Kaya dahil dito, ilalagay ko ang aking mga natutunan sa pagkain ng instant noodles. Mga learnings na sana isapuso ng bumabasa nito.
1) Pakuluan ang tubig bago ilagay ang pansit. Hwag ilagay ang pansit tapos pakuluan ang tubig kung ayaw mong maging lugaw ang noodles mo.
2) Pwede mong sahugan ang instant pansit canton. Pwedeng may hipon, baboy, manok, atay, pusit, oreo, ding-dong, rinbee. Pagpasok naman sa tyan mo nyan pare-pareho lang ang hitsura.
3) Ang yakisoba kailangang i-drain mo muna ang tubig bago mo lagyan ng flavors. Hindi siya masarap pag lumulutang ang rekado niya sa tubig.
4) Pag hindi mo maintindihan ang nakalagay sa pakete ng noodles mo, ibig sabihin imported yan. Masarap na noodles galing Korea. Parang mga tele-serye kung saan addict ka rin.
5) As usual, hindi sinisinghot ang sabaw ng instant noodles. Masakit. HUmanap ka na lang ng shabu para sa iyong bisyo.
6) Pag nakakita ka ng sili sa pakete ng hindi mo maintindihang noodles, maanghang yan. Maghanda ka ng isang coleman ng tubig bago kumain.
7) Hwag tumakbo habang may hawak na cup noodles na may mainit na tubig. Pag nakasagi at natapunan, matuto kang abutin ang pinaka-mataas na nota sa piano.
Pwede ring ulam ang instant noodle. Samahan mo ng kanin at solve ka na. Kaya sa birthday ng anak mo, kanin lang at isang bandehadong instant pansit ang ihain mo. lagyan mo na lang ng kandila para tipid.
9) Taun-taon lumalabas ang bagong flavor ng instant noodles. May tinola, bulalo, seafood etc. Kailan kaya lalabas ang icecream, karioka, pinapaitan at kare-kare flavor?
10) Dapat i-share mo ang iyong instant noodle sa mga kasama mong nagugutom. May kakilala ko hindi binigyan yung katabi niya nung isang araw. Ngayon ang huling araw ng lamay niya.
Sarap talaga ng instant noodles. Balang araw makakaimbento rin ako ng isang katulad nito. Pero sa ngayon kakain muna ko at sasamahan ko ng pandesal. Mamatay kayo sa inggit.
(wala kasing naiwang iluluto sa bahay kaya nagtiis ako sa instant noodles. Hay life…)
Ala lang… gusto ko lang i-share… sana may makiramay… eheehehehe
